( هجرتي ليه )
اكيد راح اكون
ولوكنتِ بعيد عني
او فكرتي تنسيني
مهوش ذنبي
تخلي العقل يتحكم
فنبض القلب والأشعار
وانا مَسلم
وراضي تقولي أي قرار
لكن حاسبي على قلبي
بلاش الضحكه مش لايقه
على وشك
دا قلبي منك اتعلم
ومش معنى انه ملك اديكِ يتألم
تدوسي ع اللي بيضمه
يكون انتِ سبب همه
ورافضه دواه
انا مش فارقه عندي خلاص
اعيش فيكِ لو انتِ حياه
او اهرب من سؤال الذل
بإنك تبقي ليا نجاه
قرارك يمشي ع المسجون
لكن قلبي انا عصفور
وضل الغصن عنه وتاه
فحاول يبني عشه هناك
مابين رمشك وبين قلبك
كسرتي جناحه مارحمتيش
قفلتي الباب قفلتي الشيش
وزاد عِندك
وليه صدك بقاله زمان
انا بستغرب اللي كان
ولو قصدك
اكون ليكِ من المُريدين
والف وادور ف محرابك
كما درويش
يولع م البخور فدادين
ويعمل حضرة
دا لو يشتاق لمقامك
هقول لك حاجه عارفاها
ومتأكد
بانك عني سمعاها
صحيح قلبي ضعيف جدا
وهايم في صحاري الشوق
لكنه ف وقت مابيكره
لا بيدور
باقيله ايه من امبارح
ولا بيسأل على بكره
جايبله ايه
لكن عندي سؤال واحد
تجاوبي عليه
وحق البحر والسهره
وقعده هناك على الصخره
هجرتي ليه ؟؟؟
بقلمي ( احمد هلال )
إرسال تعليق