قطيعة الكرسي وسنينه
وقطيعة كل إللي عايزينه
دا الكرسي دا من خشب
مش من دهب وياقوت
ومسيره يوم ينكسر
ويوقع إللي عليه
وهتسيبه يوم يا يسيبك
بكيفك يا غصبن عنك
فبلاش تتبت فيه
وكمان تعادي عليه
وعشانه تعادي حبيبك
وتسب دايما فيه
دا الكرسي ما دامش لحد
ولا حد دايم ليه
ومش دايم بردوا ليك
ما هو لو دام ل إللي قبلك
ما كانش واصل ليك
ومحدش مخلد فيها
وكل إللي فيها هيزول
ومحدش هياخد منها
غير إللي قبله خادوه
قطنة ومتر قماش
وعملك هتاخدوا معاك
وزي ما جيت عريان
ولفوك في لفة قماش
بردوا طالع عريان
واللفة بردوا معاك
فكر في مقعد صدق
عند مقتدر ومليك
خواطر أخيكم
محمود محمدي العجواني
إرسال تعليق