كل حرف تشوفه عينيك
بقلم إسلام عامر
كل حرف
تشوفه عينيك
يوصف شوقي
وحيرتي وغيرتي
وخوفي عليك
كل حرف
كل الكون
ف عينيا اتغير
وكأني طفل
ولسه صغير
قبل
ما اتوه ف الدنيا
وبين الناس
اتعب واتحير
نسيت أحزاني
وغدر زماني
من أول لمسة
إيدي ل إيديك
ف كل ليلة
مابنمشي
وان نمت ساعة
مكملشي
غير بيك
أنا قلبي
مايحلمشي
وهيتجنن عليك
معاك
الفرحة بتجيني
والجرح
يكون ناسيني
والدمع ينسى عيني
حبك ليا مقويني
ووجودك
اللي مخليني
اتحمل ومتألمشي
وروحي تحيا بيك
كل الكلام مش كافي
أوصف قلبك الوافي
هقفل كل القوافي
بكل حرف
تشوفه عينيك
شايف صورتي
ف مرايتك
مرسومة
بكل أوصافي
حبي
بدايتك ونهايتك
ياملاك برئ
وحنان صافي
احساسي بيك
دايما موصول
حبك قلبي
كده على طول
كل حرف
يحكي يقول
أنا العاشق
أنا المشغول
بجمال
وسحر عينيك
كل حرف
تشوفه عينيك
يوصف شوقي
وحيرتي وغيرتي
وخوفي عليك
كل حرف
كل حرف
كلمات / إسلام عامر
مع حفظ حقوق الملكية الفكرية
إرسال تعليق