مكنش حب
طب اسمه ايه
بقلم محمود عبدالمتجلى عبد الله .
---------------------------------؛ -
لما حكيت و قولتلك تايه غريب
وحكيت معاك وقلت لك مليش حبيب
يمكن صعبت عليك ساعتها
وقلتلى حسيت بحالى
او انك انت دوايا للجرح إللى جالى
يمكن شفقت عليا يومها
وقلت احبك علشان تداوى
ياريييت ماجييت يارييت ماجييت
لكن حاقلك كلام كتير قلتهولى
وحافكرك بكل حرف كتبتهولى
قلتيلى انك ما كنت عايشه زى حالى
ولقيت حياتك لماجيتلك شيء جرالى
وتتمنى تبقى معايا دايما وفخيالى
ولا نسبيت ولانسيييت
مقلتليش رحابيع عشانك كل حاجه
راحاسيب حياتى ودنيتى مش عاوزه حاجه
انا لسه برضه حافكرك بحاجات كتيره
كم مرة تحزف صفحتى وترجعلى تانى
كم مره تدعى لى فى صلاتك وانت حانى
كم مرة تنزل دمعتك من شوق عشانى
انا عمرى ليييك انا عمرى لييييك
حتى فطوافك كنت بخاطرلك فى بالك
وكأنى جنبك وفصلاتك وفخيالك
أنت إلى قلت تشوفني دايما وفمنانك
أنت إللى كنت تقولى دايما مشتقالك
مشتاق اليييك مشتاق اليييك
كم مرة تبكى وتضحكى وتصبرينى
وتشوفى حيرتى وتزعلى وتريحينى
كنت معايا فى كل وقت وبتقوليلى
باخاف عليييك باخاف عليييك
رغم المسافات البعيده كنت جنبى
وحاسه بياوتسعدينى وتروى حبى
دلوقت جايه وتقوليلى انسى فرحى
وانسى إللى فااااااات ده مكنش حب
مكنش حب طب اسمه ايه اسمه ايه
-----------------------؛؛ ------------------
شعر/محمود عبدالمتجلى عبد الله .
من ديوان /مازلت ابحث عنك
4/6/2016
إرسال تعليق