مش عجيبة
بقلم محمد ثروت عبد الحفيظ
مش عجيبة إنك تهون
قسوة الأيام عليك
تبتسم تفرح وتنجح
مهما زاد الهم فيك
الحياة عايزه المسايسة
تبقى لعبة بين إيديك
عيش وخلى الحلم يكبر
تلقى فرحك بيناديك
مره صعبة ومره سهلة
إرسم البسمة ف عينيك
إوعى تيأس من ظروفك
مهما كانت بتعاديك
إقوى وإثبت فى صمودك
إظهر الحب اللى فيك
إزرع الورد ف جناينك
إنسى غدر اللى ناسيك
إحضن الشمس ف طريقك
أمحى ماضى كان غاويك
كان سبب كل المواجع
عمره مره ماحس بيك
كلمات الشاعر محمد ثروت عبد الحفيظ
إرسال تعليق