قصيدة (يا إنسان)
بقلم إلشاعر محسن بيصار
فى يوم حسيت بوحده
رغم ان الدنيا زحمة
فيها وشوش كثيرة
ناس عايشه ومش عايشه
بتتخبط فى الزحام
ندخل داخل كل انسان
ده مليان جروح
وده مليان أحزان
وده الحق جواه
بس انسلب منه إلصوت
وده مسجون جواه ألف اه
وده ضايع فى الزحمه تاه
وده فرح وديه دموع
وديه ضلمه وديه شموع
وده مسافر وده راجع
الكل عايش فى توها
أحكام دنيا غريبة
أنا فى وحده عجيبة
فهمين مش فاهمين
شايفين مش شايفين
صاحين نايمين
حاسين مش حاسين
قالو طحونه دايرة
لكن حكمها منا
بأدينا تبقا جنه
أو بؤرة عذاب
صحصح فوق يا إنسان
من ديوان اجراس الرحيل
إرسال تعليق