حال كل بيت
العيشه غليت
بقلم /
معوض حلمي
------------------
دي العيشة غليت ،يافايزه
وانتي البعيده بلا .... دم
جيوبي فضيت .... وعايزه
سقياني كاس ........ الهم
دي العيشه غليت مراحل
والإيد يافايزه ...... قصيره
والهم عشش ..... ما راحل
نايم معاي .... ع الحصيره
دي العيشه غليت مسافات
ومعادش صحه تجاريها
ياما شالت كام مسا... فات
هموم وتقلت ....... عليها
دي العيشه غليت خلاص
والناس ما لاقيه غداها
خايفه ودعاها الخلاص
يكفيها يومها .... وغداها
دي العيشه غليت ياعم
عايشين يادوب ع الكفاف
نشف الوريد ...... م الدم
والهم زاد ....... ع الكتاف
دي العيشه غليت ياخال
والرحمه راحت ...... فين
ومنين نجيب ....... المال
ومنين نسد ......... الدين
دي العيشه غليت ياعين
وقلوبنا عاصيه ماتابت
والجوع دا كافر لعين
والجته م الهم دابت
________________
بقلمي الفلاح الفصيح
معوض حلمي
منشأة بطاش
تمي الأمديد
دقهلية
إرسال تعليق