ملامح حبيبتي
بقلم/ إبراهيم فهمي المحامي
**************
**************
ولو عاوزة حبيب غيري
وانا تشيليني من قلبك
ولو إسمي خلاص نسيتيه
وجالك قلب تخونيني
بقلم/ إبراهيم فهمي المحامي
أنا مش هقدر أنساك
عشان طينك في تكويني
أنا منك برغم سنيني ف الغربة وأنا ف حضنك
أنا شاري برغم انك في كل صباح تبيعيني
عشقت اللي نتف ريشك
وخان حبك على سريرك
وباعك واشترى غيرك
وفارض تلبسي الاحزان
وانت زمان مفيش غيرك
بقيت مطية للغادرين
والفاسدين
والعايشين على خيرك
أنا مش بس حبيتك
أنا طول عمري اصون بيتك
وعمري ماكنت خاين يوم
ولا فرطت ف وجودك
ودايما صبري يسبقني
لو حسيت بعجزك يوم
واقول يرضيني لوأصبر ما دام هيه حبيبتي تدوم
لكنك يوم ما تتعافي بتنسيني
وترميني في بحر هموم
والاقيني في بحر بعيد
عايشيها وحيد
ما لاقي حضن يحميني من التشريد
والاقي اللي خانوك كتير
بدون تفكير تضميهم
وتعليهم
والاقيهم على كتفي
بيجنوا اللي طرح منك
وانا في الهم بتمرغ
أدور عن فتات العيش
منيش لاقي
رضيت أكون من الحرافيش
وغيري عليك مش باقي
أنا لو كنت نصفاني
لكنت رسمتك الملكة
وكنت جعلت من دمي ملامح فرح وجناين
وكنت جعلتك الأولى ما بين كل نساء الأرض
لكن يا خسارة فوتيني
وسحرك اللي خان العرض
يا ويل اللي يحب ف يوم
حبيبة تنسى اللي حب بجد """"""
بقلم/ إبراهيم فهمي المحامي
١٩/٦/٢٠١٨
إرسال تعليق