نظراته حلوه--شعر شعبي عراقي
بقلم / الشاعر المهندس سعيد الزيدي
************************
دوّخني حبّه حيل
نظراته...... حلوه
بنص الجروح إيصيح
گلبي....... يا بلوه
حنظل حلاوة وطيب
مذوّگني........ هوَّ
يمطر عليه أحزان
ماشفت....... سلوه!!!
وروحي مثل اشموع
هيج آنه......أذوبن
مشتعله كله إعضاي
بناره .......تچوّه
أبعد واگول انساه
طير ....وأغني
يناغيني منّه الشوگ
عشگه ....ياغنوه
عطشانه روحي هواي
اتمنّه اشوفه
ردت آنه اروي العين
.....ماشفت دلوه
----------------
كلمات الشاعر المهندس سعيد الزيدي
العراق- بغداد 23-4-2018
إرسال تعليق