الزجل الساخر // سلطان الفقر
من كلمات // ناصر الطاهر
★★★★★★★
★شوفت أنا حلم حقيقى
غريب
★قال راجعين عصر
القباقيب
★كان فى الحلم ياناس
سلطان
★دايما فقرى ياناس
تعبان
★بوزه ده فقر وزي
البوم
★جمع الفقر فى مية
البوم
★كل كلامه يقولي
مفيش
★بس يموت أوى فى
البقشيش
★عامل نفسه من
الدراويش
★خلى حياتنا بجبنة
قريش
★السلطان كان م
المماليك
★فجأة وعاش لنا دور
الديك
★عمره ف يوم مايقول
هديك
★بس باصص لنا م
الشبابيك
★السلطان كان أسمه
حناطة
★فاكر شايل تحت
بلاطة
★قال هيغير شكل
العملة
★وانا مسكين فى الدولة
لاحولة
★قلت يغير
مايغيرش
★انا معاييش وكمان
معرفش
★أصله فاكرها ياناس ده
تكية
★ولافاكرها ياواد
ملكية
★فجأة تحول حلمى
كابوس
★لما صحيت مالقتش
فلوس
إرسال تعليق