متابعه السيرة النبوية
من ديوان ولسه الفؤاد عطشان
للشاعر مصطفى فريد
عاد لداره مكانش دارى
باللى حاصل واللى جارى
زملونى يااهل دارى
الرعشه ماسكة فى العظام
الخوف بأمر المولى راح
وانتشى نور الصباح
على الجبين الفجر لاح
والضياء شق الغمام
الوحى نور أنزل عليك
تهدى البشر كله بإيديك
الكون فتح دراعاته ليك
لما دخل دين السلام
ياما شفت ايام عذاب
من قريش وأنت المهاب
يا أمين خدت الثواب
خرجت من بينهم نيام
لما جه م المولى أمر
تمشى من بينهم تمر
والعيون مليانه جمر
وكل إيد شايله حسام
الحقد خلا الشوف يضيع
والعما صاب الجميع
سد ربى كان منيع
أنقذك من إيد لئام
آخيت مابين أهل المدينة
والمهاجرين يا نبينا
ياللى وصلت السفينه
بخير على بر السلام
إرسال تعليق