تـــوهـه
..........
و نتلاقى ب نفس الحضن
تتوه منا أمانينا
و أحلامنا أمل ب يرن
يبكِّي بحرقه ليالينا
و عالمكشوف ننادي الشوق
ف يُصرخ فرحنا فينا
عشان شفنا امل تايه
وضاعت بسمته بينا
وانا نفسه اللي كان نفسه
يرتل للحنين آيه
ويقرأ الحزن بالتجويد
تصحِّي الحرقه جوايا
أنغِّم للعذاب أناشيد
و أرقص م الألم مره
و بالمرَّه
ألاقي الكرَّه في الكرَّه
و تتخبى من النظره
وتدخل آهه بالآهات
أبوس ايد الهوى
بحسره
تلات مرات ...
خديني ساعات
ونسيني
سيبيني أتوه
بضحكتها وبسمتها
تجنن روحي لمستها
تعالي ف حضن متمزق
ما تتكسفيش
ولو طابت جروح الروح
على أيدك
أبوس أيدك
سيبيني اعيش
سيبيني أعيش
.............
حسن حفني
إرسال تعليق