حاولت كتير
حاولت كتير ومش قادر
أغير روحي مش عارف
واخلي النفس تغلبني
واهجر روحي وتغيبني
لكن برده منيش قادر
وليه يا روحي بتجاهدي
حرام عليكي بقى اهدي
أنا نفسي احس الفرحة
كما غيري
واضخك من صميم قلبي
علي غيري
وأغير كل تفكيري
واقتل جوة مني صوت
بقي ضميري
وليه وحدي مابين الناس
أخاف أعمل حاجة وحشة
وأنا شايف بعيني خلاص
معتش فيها شي يتعاش
حاولت كتير
اثور على كل أفكاري
واجرب أقول أنا اتغيرت
واحرر كل ازهاري
من الخنقه لأني تعبت
لكن برجع
بصوت لضمير
هنا بيوجع
يقولي راعي يوم تلقاه
وتتمني تلاقي نجاه
وخلي النور مع امنيه
في قلبك تنادي هواه
وعيش وافرح
معاه وحدك
في دعوة وسجدة
فيها لقاه
وقول آلله
💓
💓
حبيبي وكل أحبابي
أنا ميت بين أحبابي
وبتمني الاقي نجاه
بقلمي/ أمل التابعي
إرسال تعليق