؟/١٩٨٣/١٢
على سطح السفينه وسط البحر
كلمت البحر وقت العصر
بعد خطوبتي لست الكل
مها حبيبتي ياسمين وفل
أم ولادي وجودها يسر
رايح العراق طريق الأردن
& سعيد عبد القادر السيد &
$ عاميه $
# حديث البحر #
يا بحر ابعت سلامى
لمها حبيبتى و غرامى
قول لها اوعى تنامى
من قبل ما تبعت سلامى
يا بحر حملتك امانه
اشواقى زى الحمامه
و صلها من غير ملامه
دى هى ليا الامانى
بلغا شوقى و حبى
و هواها الساكن بقلبى
يوماتى بدعى لربى
ارجع و اشوفها بسلامه
سمعت عنك مأسى
و عرفتك غدار و أسى
فى حضنك خايف بأسى
لاتغدر و تنسى الامانه
خوفى مش من نهايتى
وسط قوة وجودك
لكنى يا بحى خايف
تخلف معايا بوعودك
افكرك يا بحر تانى
بحبيبتى روحى و كيانى
قولها اوعى تنامى
من غير ما تبعت سلامى
دى هى كل حياتى
و هى ليا الأماني
&&& بقلبي
سعيد عبد القادر السيد
شاعر ال ش و ال ش
الشرابيه و الشرقيه
القاهره / أبو حماد
إرسال تعليق