إعتبرني سنين و عدت
إعتبرني دموع و جفت
و لا زهرة حب دبلت
إعتبرني ....... أي حاجه
بس ماتقوليش كرهتك
لمّا نار الغيره قادت
كل همسة حب نامت
بس فاقت ... و أما قامت
بين دموع الحب غرقت
ياللي ياما جرحت قلبي
الفراق مش بس ذنبي
ذنبك انت كمان يا حبي
قوللي مكتوب الفراق
بس ماتقوليش كرهتك
إعتبرني ذكري كانت
بالدموع و الفرح فاتت
قول حبيبي انك نسيتني
بس ماتقوليش كرهتك
مش هكون صوره ف جدارك
و لا حلمك أو شعارك
مش هكون غير بس صوره
وسط أوراق بانتظارك
لو تشوفها ..... بلون حروفها
تفتكرها تقول عرفتك
بس ماتقوليش كرهتك
الربيع بيفوت أوانه
و انتظار الكون عشانه
و الورود بتموت و تصحى
و الدفى بيهجر مكانه
و الشتا مهما جفانا
فين نروح فين من هوانه
مش مهم تقول سامحتك
بس ماتقوليش كرهتك
#بقلمي سعد البنا
إرسال تعليق