حب أنانى
............
ماسألتش نفسك مين فينا الجانى
مين كان في حبه أنانى
ومين بيضحى علشان التانى
مين أتعذب مين بيعانى
من حقك تضحك تستغرب
ماهو أنت الميه مالمستش رجليك
وأنا وسط موج البحر بغرق
حكم عقلك وضميرك وأياك تنسى أن حبيتك
وأترجيتك وأتمنيتك يوم تهدى
كل شويه معايا بحال وبعاملك زى الأطفال
تغضب تزعل وتعاند وكمان تبعد
وبترجع تانى ألاقينى حضنك
وتقولى أنسى وسامح
مش محتاجه أنا بنسى الدنيا لما بشوفك
بنسى دموعى وأنسى أهاتى مش فاكر إلاوجودك
أنا حبيتك وبتحمل وبتمنى ترجع زى الأول
لاء خليك وماترجعش أنا هتحمل
هتحمل بعدك وجفاك هتحمل القسوه وعنادك
هتحمل ظلم الأيام ولا ترجع تانى بخداعك
عيش أوقاتك عيش أيامك ولا مرة تحاول
قلبى خلاص مبقاش ليك قلبى أبوابه مقفوله
ولا مره تحاول تفتح بابى هتلاقى جهنم تحرق فيك
ماهى دى النار اللى أنت سايبها وقايدها بأيديك
ولا مره هاحاول أطفيها علشان كل ماتفكر ترجع
تلقى النار قدامك ومن حواليك...
أهجر وأبعد على قد ماتقدر شوف باب غيرى مفتوح ليك
وأنسى في يوم أنى حبيتك أنسى أنى على قلبى أمنتك
أنسى غرام كان موصول بينا شريانى قطعته بأيديك
أنزف! وأيه يعنى لما أنزف أنا ياما نزفت كتير
ولا مره أهتميت وسألت ولا حتى بيحصل تغيير
تكدب وبصدق حلفانك وتبرربكلام من غير تفسير
حتى دموعى ماكنت شايفها ولا كان لها عندك تأثير
أهجر وأبعد على قدر ماتقدر شوف باب غيرى مفتوح ليك
مش هتحمل ترجع تانى ...مين يتحمل حب أنانى........
.............م/
إرسال تعليق