يمين الله
-----
يمين الله انا شايف ظلام ليلى
على ايديكى
قساوة سهدى وحرمانى ونار قايداها
فى عنيكى
يا ظالمه والبساط ناعم
ياخوفى والنعاس تخاطيف
ياقلبك فى الندا نايم
وحرفك فى الضنا حريف
ف ماتحاوليش
يا انبل حته السكر
سابت حلاوتها واتدارت
وبعد قلبى ما اتعكر
سطور الصفحه احتارت
يمين الله لسه ف ايدك المفاتيح
وعهد الله لسه قلبى جريح
تعالى طبطبى وداوى
تعالى لسه فيه غناوى
تعالى ننسى امبارح
ونحكى بكره فى حكاوى
يمين الله انا شادى بنغم بوحك
وعهد الله اناشارى رضاروحك
ف دارى اللهفه وجروحك
انا لو ناسيه ممدوحك ومحبوبك
وكلى كلى فدا نوحك
------------
يسرى محمد عثمان
الاُدباتى
إرسال تعليق