ازاي انسي اللي فات
وابدأ من اول وجديد
واعز ما ليا خلاص مات
ازاي هرجع تاني سعيد
هكمل حياتي بالذكريات
وهعيش باقي عمري وحيد
ما اللي كان ليا راح
ومبقاش موجود
والفرح من جوايا انزاح
والامل فيا بقي مهدود
حبيبي اللي كان قريب
وطول الوقت بيفرحني
غاب عني الاصيل الطيب
وغيابهُ دايما بيدبحني
عِشت معاه اجمل ايام
محسِتش فيها غير بالراحه
لا دوقت فيها طعم ألالام
ولا الهم كان لهُ اي مساحه
مهما اقول أو احكي عليه
مستحيل يتوصف بالكلام
دنا ليل نهار بفكر فيه
وخصوصاً في وقت المنام
قُصاد عيوني بلاقيه
بيضحك لي بضحكة غرام
وفي كل ليله بناديه
ولا عارف ادوق طعم المنام
غايبهُ عَنِي كَسٰرني بِجَد
وبقيت عايش علي الفاضي
منا الطموح اللي فيا اتهد
ولا عن حالي بقيت راضي
إرسال تعليق