أمى
كل حروف الدنيا
ما تملا مكانك
كل كلام ف الدنيا
مايوفى إحسانك
كل كائنات الدنيا
ماتملا فراغك
كل دعواتى ليك
ماتوفى حبك وحنانك
وبأمر ربى
بقت حياتى من حياتك
ف بطنك حملتينى
ومن صدرك رضعتينى
وبدمك مدتينى
وف حجرك ربتينى
سهرت الليالى
تطبطبى وتغنى
وترضعى وتكبرى
وتنيمى وتهدهدى
تمرضى وانت
بتدعى لى بالشفا
وم الهوا الطاير بتحمينى
إيه أقول هولك؟
من يوم ما فارقتينى
ودموعى مابتفارق عينى
إنحرمت من عطفك
ومالقيت اللى يحمينى
وماليش مكان يأوينى
أمى ..الله يرحمك
زى ما ربيتينى
بقلم :محمد حجاج
إرسال تعليق