فى الجمال والحسن أحلى
كنتى رافضة ولا قابله
إنتى ست الحسن عندى
وكل عنتر ... عنده ست الحسن عبلة
بس عنتر عنده حب وعنده شعر
وسيف يرد المعتدين
وانتى قولتي عاوزه حبى وعاوزه شعرى
بس عايزاك مستكين
يا حبيبتى يرضى مين
يرضى مين غير اللى خانك
واللى عايزك جاريه ليه
طب قوليلى لو إن عنتر أخدو سيفه
كان سعتها هيعمل ايه؟؟؟
كان أكيد هيموت ذليل
كان هيبقى حضن عبله
عنده عين المستحيل
كان هيرحل كان هيدبل
زى ورده فى أرض ليل
عارفه سيفه يا حبيبتى جابلو ايه؟؟
جابلو ناسه وعز ناسه
ومهر عبله
وصان له عبله
وشد سرج الدنيا ليه
وانتي ست الدنيا ديه
والسواد اللى فعنيّه
لو تراب الأرض خانك
عمر ما تخونك اديا
وان طلبتى روحي مهرك... تبقى سهله
دا انتى ست الحسن عندى وكل عنتر
عنده ست الحسن عبلة
#بقلمي سعد البنا
إرسال تعليق