(جوا القلب)
خليتي فيه النفس
بين الضلوع محبوس
والحزن جوا القلب
زي الجبل متروس
عايش لوحدى بدور
على حل انا معرفوش
تعبت خلاص معاكى
ولا نافع معاكى دروس
بكل وضوح وصراحه
تعبانى معاكى ليه
قلقانه ومش مرتاحه
وإحترت أعملك ايه
نفسى أرتاح معاكى
نفسى تحسي بيه
مش كل كلمة أقولها
تتفسر ضدي عليه
والله العظيم تلاته
والله العظيم بحبك
ونفسي أعيش فى سعاده
وأتربع جوا قلبك
مش كل دقيقه والتانيه
حالك يقلب وف ثانيه
ياحببتى خلاص فاض بيه
وبُعدك أريح من قربك
#جوا القلب #
كلمات الشاعر
السيد سرحان
إرسال تعليق