الأحد : ٢٠١٨/٢/٤
الساعه : ٨,٢٤ صباحاً
& سعيد عبد القادر السيد &
# عاميه #
$ صباح الخير $
-------------------------
صباح الخير يا قلبي
يا ثمرة كل عمري
أدعي يشفيك ربي
من كل المستخبي
صباح الخير يا قلبي
صباح الخير يا أبني
في الغربه بعيد عني
وده اللي مجننني
سارق الفرح مني
صباح الخير يا قلبي
حياتي دي من غيرك
حبيبي ولا تسوى
أنت ويا أخواتك
أحلى ما في الدنيا
صباح الخير يا قلبي
وصيه من أبوك
خلي بالك من نفسك
جوارحي بينادوك
بتقول لك إحنا بنحبك
صباح الخير يا قلبي
يا ثمرة كل عمري
أدعي يشفيك ربي
من كل المستخبي
صباح الخير يا قلبي
&&& بقلبي
سعيد عبد القادر السيد
شاعر ال ش و ال ش
الشرابيه و الشرقيه
---------------------
إرسال تعليق