كنا بنتوه في السطور
كنا بنحلي الأمور
وف ساعات بنكون حيارى
يندهش منا الحضور
نبقى زي حلم غايب
الأعادي .... كالحبايب
حلمنا هوا اللي هارب
دا احنا حيرنا الشعور
مرت الساعات علينا
وابتدينا م انتهينا
كل حاجة ... بتعادينا
دنيا ومتاعها الغرور
لو سألنا مرة .. حالنا
عن أمانينا و آمالنا
كيف يمينا تخون شمالنا
حالنا يشهد لينا زور
الدفاتر ..... والقراية
م البداية ..... للنهاية
كل سطر وفيه حكاية
واحنا بنتوه في السطور
يشهد الماضي علينا
أحنا غرقنا ...السفينة
عيبنا هوا اللي مالينا
توهنا ونسينا العبور
إرسال تعليق