GuidePedia

0
*** الضنا غالى ***
.........................
(( مجدى صالح ))

اااه من مرارة الألم والحسرة الزايدة
اااه من النار اللى جـوة القلب قايدة
اااه ع الـحـبـايب اللى سابونا فـجـأة
قتلهم مجرم .. ماعندهوش رحمة ولا شفقة
يا مين يقولهم .. فـراقـهـم نـــااااار
وحشنا حضنهم .. ومشتاقين لهم بإستمرار
يا نور عـيـونـا ..وحـشـتـونـا
يا فرحة قلوبنا .. وجـعـتـونـا
إستفاد ايه بس الـمجرم اللى قتلكم
غير إنه حرمنا منكم ومن ضحكتكم
يا ورود قطفها الـغـدر قبل الأوان
يا رياحين خنقها الشوك والزوان
فُراقكم سـكـاكـيـن جازت ف قلوبنا
يا مرارنا ف بعادكم .. ايه العمل قولولنا
شـكـوتـنـا ليك يـارب وحـدك
حقنا وحقهم .. أمـانـة عندك
بدموع عيونا بنترجاك كـلـنـا
وصلهم سلامنا وأشـواقنا وحُبنا
يــــا رب أنت حاسس بـقـلوبـنـا
لإنك عارف وحاسس ب غلاوة الضنا
كون ليهم الـحـضـن والـحـنـان
وإدينا على قد غلاوتهم صبر وإيمان

إرسال تعليق

 
Top