في عز النهار // يوم الجمعة// جوا المسجد //
يعني ايه كلمة ارهاب
يعني ناس عقلها غاب
فكروا في قتل البشر
ونسوا لية يوم الحساب
*****************
عمر الدين ما كان كداب
ربنا حرم في كل كتاب
قتل النفس والابرياء
من غير ذنب ولا اسباب
*******************
قولولي يا موحدين
في اي شرع ودين
يسيل دم البشر
وتقتل بني ادمين
*****************
لا توراه ولا انجيل
ولا دين المسلمين
يحلل دم برئ
دول كفرة ومجرمين
*****************
الرحمة ليك يا شهيد
افرح خليك سعيد
ويوم ماناخد طارك
اكيد هيبقى عيد
****///********
حسبي الله ونعم الوكيل في كل قاتل وكل خاين
اهداء/ الي ارواح شهداء مسجد الروضة
كلمات //شاعر الغلابة ( ابو علي المصري)
إرسال تعليق