قصيده بعنوان...... الحلم جايز
الحلم جايز مش ممنوع
طول م الأمل لينا مشروع
من تانى نقدر نتلاقى
وقلوبنا صافيه ومشتاقه
ونعيش حياتنا ونبنى قلوع
نغزل خيوط الصبر عزيمه
ولا نرضى تانى ب أى هزيمه
نمسح ب أدينا أى دموع
ع الصعب نقوى ونتعافه
عزيمتنا تبقى هدافه
ولا نرضى تانى بأى رجوع
تعبنا زمان أيوه تعبنا
خدعونا أقرب حبايبنا
وقولنا نرضى بنصيبنا
وبكانا كان مش مسموع
والعدل راحت أيامه
والكل تايه فى ألآمه
فى الدنيا عايش مخدوع
طب ليه بنرضى بأى خضوع
ونعيش حياتنا ألام ودموع
طول م الأمل لينا مشروع
والحلم جايز مش ممنوع
ده الحلم جايز مش ممنوع
كلمات الشاعر محمد ثروت عبدالحفيظ
إرسال تعليق