لسه يا قلبى
************
************
لسه يا قلبى ليه بتحن
بعد ما باعك واشترى غيرك
على ايه تبكى عليه وتأن
بعد ما كان عايش على خيرك
دا مفيش اصل وحاله يجن
واللا خساره يشغل تفكيرك
لسه يا قلبى ليه بتحن
بعد ما باعك واشترى غيرك
انسى حياته أنت الكسبان
راحت البال دى مش مطاله
يغدر يرجع يندم تانى
وكل شويه يا قلبى ف حاله
دا مفيش عقل وحالته تمل
خلى الكل يقول فيه قواله
واللا يا قلبى انت اصيل ياما
دايما يغدر....ديمه كداب
ويرجع يندم ويقول سامح
وانت بطيبتك تفتح باب
باب لموده وتقول يمكن
ندمان فعلا.....ليه اسباب
تانى وتالت ترجع ليه
طيب هو ده مالهوش اخر
طيب وانت تسامح ليه
ما تخليه يمشى ويتاخر
يمكن يسكن حد مكانه
جواك يحفظ ليك العشره
خليه يمشى يروح بجنانه
عيشته ماراح تنفع بالمره
رد عليا قلبى وقاللى
بعد دا كله .... ح اقولك بكره
الشاعر/محمد الشاذلى
إرسال تعليق