إيه الحكاية يا بشر....بقلم عمرو عبد الحميد مبروك
*************
إيه الحكاية يا بشر
الظلم ليه بنا انتشر
ليه الفقير مالهوش مكان
ونقول كدا هو القدر
الظلم دا من صنعنا
ودا شئ مايرضيش ربنا
واحد بيغرق فى الغنى
والتانى فى الفقر اتعصر
عجبي عليكى يا دنيا آه
وغريبة ليه فيكى الحياه
وطريقنا على فين منتهاه
وقلوبنا ليه صبحت حجر
وليه نعيش فى الظلم ليه
واللى اتجرح مين حيداويه
بر النجاة فين حنلاقيه
لو الفقير قلبه انكسر
إرسال تعليق