قانون الحب
شريك الدرب لويعشق
يسيب الكل يتوجع
ويهرب بين ضلوع محبوب
يعيش هيمان ويتمتع
ولما يحس بالوحده
وقلبه منه يتقطع
يغمض عينه يحضنها
يلاقى حبيبه أرض عمار
قانون الحب من نصه
بيجمع بين قلوب عشاق
وبند الطاعه دة واجب
ومحظور بينهم اى فراق
وعقد حياه بمَدَاها
ومتوثق بشرط جزاء
حياة متعاشة بعد حياة
بسر جديد من الأسرار
عيون معسوله برموشها
وحضن جديد مالهوش مثيل
وقلب أبيض وبكر رشيد
وفردة شعر تشفى عليل
وتنهيده تسد الجوع
وشفة تدوب ف عز الليل
وتهمس همسه توجعنى
تجدد عقدى ليل ونهار
أنا راسم على خدك
علامه مائية وبشفره
وقلبى يحب على قدك
ويعمل م الجنون طفرة
وكل دقيقة بنعيشها
تلاقى ف عشقنا وفرة
يكفى كل حب الكون
ولا ينضب كماء شلال
بقلم "محمد الخضرى "
إرسال تعليق