ليه
يامة من ايدك
سيبتي ايديا
ليه
يامة ماعديش
بتخافي عليا
وليه
يامة ماحولتيش
بكل قوة
تمنعيني عنك ابعد
واسافر
---------------
الام علي ابنها بتبكي
ورافعه ايديها للسماء
تشكي
ياريتني يابني كنت
اقدر وقتها امنعك
ولاكنتش تسيب
حضن قلبي وتهاجر
وعني تغيب للاخر
-------------------
اه ياحسرة قلبي
وياعيني عليك يابني
رسمت
من الخيال اوهام
وبنيت من الاحلام
امال
انك هاتكون ف امان
وترجع لنا بالمال
لجل ماتستر اخواتك
وتكمل مشوار حياتك
اتاريك ياحبيب اخواتك
رحت ياضنايا بلاش
واه ياعيني عليك
بدموعي
ياولدي انا بابكيك
واه يحرقة قلبي
ياضنا عمري انا
بنعيك
سامحني يابني
وانا مسمحاك
ياما كان نفسي
اشوفك سعيد كل
اوقاتك طول عمرك
وحياتك
كان نفسي اشوفك
عريس
بتزين الكوشه
ياما كنت يابني
بتحكيلي
عن لحظات فرحك
واحزانك
وكنت اسمعلك وانت
بتشكيلي
روحت خلاص يابني
من قدام عيني
ومين تاني غيرك
هاقعد اسمعله يحكيلي
روحي يابني
وانا قلبي راضي عنك
وروح يابني مسمحاك
رغم وجع فراقك
اللي سببتهولي بغيابك
هادعي ربي يكون معاك
بيك غفور ورحيم
هو احن مني عليك
إرسال تعليق