......( بلا روح ) ......
وبتشرط على كيفى
وعصيانى ماهواشى عناد
ما دمتى إنت إللى بعتينى
ومنعتينى أكون لك زاد
فعادى يعنى لو بعتى
ما فى وجودك فيه ألف بعاد
خلاص يا ست انا موافق
نتبادل بعاد ببعاد
خلاص حرسم خطوتى لنفسى
بعيد عنك ... وهنعيكى بألف حداد
هقطع كل شرايينى إللى تشبه لك
لا أنا منك ولا ليكى ولا أنا الواد
إللى بتستنيه سنين عمرك
يطيب لك جروح ماتت وسايبه مداد
بقالك عمر بتسيبى إللى شاريكى
وبتمنى على إللى لا خدوكى وطن
ولا فى يوم كنتلهم بلاد
قوليلي بس أكون لك كيف
وأنا المصلوب ومش لاقى حتى تمن الكفن
إللى يداري جتتى فى لحظة استشهاد
27/8/2017
إرسال تعليق