GuidePedia
وانت مسافر روحى بتسافر
بتسيب جسمى وتجرى وراك
وانت بعيد بهتان العيد
مالهوش لون غير ف ضياك
ماانت هدية ربى اليا
وانت هدايه
سكنى ودوايه
بعدك زى الليل الدامع
اما حضورك وصفه ملاك
انت الاخ الاصغر سنا
يمكن فعلا
لكن فى قلوب كل احبابك
عالى مقامك
غالى وشامخ...
همسك وكلامك
لاخر لحظة ف عمرى بقلك
قلبى بيهواك
وبدعى الهى يبارك عمرك
ويهون غربة ايامك
ويحققلك كل احلامك
وتعيش لاولادك واحبابك
اب واخ وعم وخال
يابن القلب وروح الروح
وانت مسافر روحى بتروح
بتسيب كلى وتجرى وراك
Top
إرسال تعليق