وانا ليه اتغيّر علشان حد !؟
انا ليه اتحوّل واحد تاني !؟
ايه يعني بهزر وقت الجد !؟
ايه يعني اللي فـ قلبي على لساني !؟
مش لازم اعجب كل الناس
ولا لازم كل الناس تعجبني
لو عجبك عجبك يابن الناس ..
مش عاجبك / ابعد عني وسيبني
صاحبي / اللي يشيلني جوا عينيه
ارمي الافيه .. يضحك / ويكمل هو عليه
ماباحبش اشوف التكشيره
ولا احب الناس اللي تشيل
ولا احب الواد اللي محسوّك ..
وتملي ماشيلي بمناديل
وقت الاحزان يبقى معايا
ويقدر قوي حزني وتعبي
ووقت الافراح يبقى معايا
يجمالني كمان/ يرقص شعبي
صاحبي/ اللي يقولي كفايه ذنوب
ويعيدها / اما اعمل مش سامع
صاحبي/ اللي يقولي تعالى نتوب
وياخدني بأيده على الجامع .
إرسال تعليق