ضِحكَايَه / بقلم الشاعر زكريا ضاحي توفيق

ضِحكَايَه
**********
مِسير اِلحَي يتلاقَى
وِنتحاكى وِنتشاقَى
وِناخد بعض بالأحضان
ونرجع تاني زي زمان
تِشيل أحلامنا كُبَّايه
******************
وِسِتِّي تَفيدة تِجمعنا
من غِير مَ سِيدي يسمعنا
جايبه فِ إيدها بَطَّايه
وِسُفرَه جَميله مَنصوبه
عَليها اِلعِيلَه مَبسوطَه
بِنتقاسِم فِ بِتَّاوَه
****************
مِسير اِلحَي يتلاقَي
أعَز اِلناس بَقُوا فِ غُربَه
تعِبنَا يا ناس مِن اِلفُرقَه
يا دُنيَّا خَلاص كِدا كِفَايَه
*******************
مِسير اِلحَي يتلاقَى
وِترجَع تاني لَمِتنَا
وِتجري عَلينا ضِحكِتنَا
بِتِتكَعبِل.......
ضِحكَايَه فِ دِي حِكَايَه
ِِِِمِسير اِلحَي يتلاقَى
وِنتحاكى وِنتشاقَى
*******************
{زكريا ضاحي توفيق}