شافوني بضحك
............................
شافونى بضحك قالوا سعيد.. وانا بعانى جرح جديد
والجرح كان من حبيب.. فاتنى فى الدنيا وحيد
ولما يبقى الجرح شديد.. يشوفونى بضحك يقولوا سعيد
اديته الأمان من غير حدود.. وانا اللي محتاج الامان
أهديه يوماتى احلى الورود.. وهو اللي سقانى الهوان
لا حب بعده يقدر ينسيني اللى كان.. ولا قلب غيره يقدر يسقينى الحنان
ولما يبقى الجرح شديد.. يشوفونى بضحك يقولوا سعيد
ياقلبى طول عمرك حزين.. ظلموك احباب راحوا وفاتوك
والعين كواها كتر الانين.. وسابوك فى عذاب قبل ماينسوك
لا حد يواسى قلبى الحزين.. ولا ايد بتمسح دمع العين
ولما يبقى الجرح شديد.. يشوفونى بضحك يقولوا سعيد
حياتي كلها حزن ودموع.. آهاتى شيلتها بين الضلوع
أضحك وسهدي مالى فؤادى.. والقانى وحدى فى عيد ميلادى من غير صحاب ولا شموع
ولما يبقى الجرح شديد.. يشوفونى بضحك يقولوا سعيد
لا يوم اتهنى شبابى فيه.. ولا نوم أدارى عذابى بيه
سهران لوحدى مع التنهيد... وجرح قلبى جرح شديد
وداريت دموعى عنك ياعين.. خايف تكونى من اللايمين
ولما يبقى الجرح شديد.. يشوفوني بضحك يقرلوا سعيد
مظلوم يارب فى دنيتى.. محروم وغابت فرحتى
والعين تعاتب دمعتى.. بعد الحبيب مافاتنى وسابنى لوحدتى
وتاهت مني سكتى.. وبقيت لوحدى قى دنيتى
وابكى وكل الناس فى عيد.. ومهما احكى واقول واعيد
يشوفونى بضحك يقولوا سعيد
كلماتى.. محمد نبيه المرصفى
إرسال تعليق