سرسر م لهيه
القنديل ف الضلام
كي الخير ف الحرام
والغدر ف الوئام
المخبي ورا اللتام
فم ساقط الكلام
يقبر حروف السلام
ف محراب اهل الاسلام
شفتهم تعانقو
كلت هادو اتفقو
مع عدوهم توافقو
هما مولفين ينافقو
على خوهم صادقو
عند فرعون تلاحقو
تخاصمو وتلابقو
وسرسر م لهيه
گال كلامو ليه
هرنن وجعق عليه
ساروت الحكمة يحضيه
يلا اطرطق القفل بوحديه
والشغل يلا ماگاد به
يخليه ل مواليه
گالو يجربو اشكونة
ديك العگدة المغبونة
بها بغاو يخنقونا
ماعرفو الدنيا مسكونة
ب شلا ميمون وميمونة
يفضحو سرهم ف ميدونة
ووهيةخطتهم الملعونة
اربعة وهو الخامس
ركبت عينيهم الطلامس
طاحو ف ضلام دامس
الغوت عليهم ماحابس
واخدم اداك التاعس
من سعد داك الناعس
واضرب اهلك وفارس
فين القانون والمصداقية
فين القيم الانسانية
فين الكرامة الدولبة
فين السيادة الوطنية
فين الحقوق والحرية
ف قاموس المحمية
وغابة السبع وللبية
بقلم ادريس جبيلو
المغرب
إرسال تعليق