ياللى غرامك دايب فى قلبى كما دوبان الشاى فى الحليب! وعليك نظرة بتشوط فى قلبى كانهُ كورة فى رِجل(الخطيب )! وقال فاكر نفسى " واد لعيب "😏 وأنا وياكِ بتلخبط وبكون خيبان العِشق ف قلبى مِلهلب لهاليب عاشق أنا والهوىِ مالوش سلطان **************** وعليكِ ضِحكة شقية زى (الأهلى )! والغمازة فى خدك تِغمز تِندهلى😊 بتخلينى يا بِت أتوه عن ناسى وأهلى فى الحُب طلعتِ " فرس رهوان " وأنا لِسه يا دوب بمشى على مهلى مقطوع أنا فى الحُب .. ندرى من بدرى ألف تِراكهُ واجرى تشوفنى تقول عليا ( الحضرى )! واد إيه ولا " أشجع الفُرسان "😏 **************** بعتت لى رسالى ع " الواتس " ( ميعادنا فى ستاد التِتش ) يا حبيبى .... متتأخرش ؟ يا حبيبتى إزاى مقدرش☺️ دى عليها " رسمة رِمش " خلىِ عينى مبتنامش هقابلها أنا .. قبل الماتش قال يعنى . هحُط التاتش ! والفرح بخيل . مكمِلش ! مشيت أنا قبل الماتش ولسانى لِسه . مقالش ولا حتىِ " حرف واحد "😔 من يومى أنا أصلى فقرى😏 وأكتر بكتير من (عبد المُنصِف ) يوم ماتش ال ( 6 _ 1 ) ههههههههههههه😂
😏
😊
☺️
😔
😂
إرسال تعليق