الزجل الساخر / نوايا فى بلح
من كلمات / ناصر طاهر أحمد
بتاريخ / 23/5/2017
★★★★★★★
أوعى فى يوم تعمل لي
محاسب
ربك عادل هو
يحاسب
بياخده الكلام
بالنوايا
قلت النوايا ف
بلح
حبسه الألم فى
دوايه
والحبر والله
مافلح
الكيل ده فاض بينا
وطفح
ظلمك ياواد
كافى
حتى السليم فينا
إنجرح
وانا كفنى على
كتافى
النخل لما طرح طرح البلح
زغلول
قلنا خلاص
هنهييص
طلع البعيد
مهبول
وبقينا من
البلاليص
سرق البلح كله وحدفنى
بنوايا
وان جيت فى يوم جاره يحبسنى فى
نوايا
الكرسى ده مش
بيدوم
وان دام تعالى
ولوم
ده القرد مهما
حلي
عمره مايبقى
غزال
والواطى مهما
علي
ده مكانه تحت
نعال
أوعى تعيش لي ياواد فى
الدور
تبقى حمار وراكب له
موتور
والا هتعمل كام
تسبيله
أصل النصب ده ليه مية
حيلة
ولاتعيش لي فى دور
نحنوح
كنت زمان انا واد
بحبوح
بس نهارده خلاص
مدبوح
أصحى معايا ياعم
وفوق
بقول لك كلامى ومن غير
فروق
هو الفقر ده مين كان
جابوه
يخرب بيت ابو أم
جنابه
ده الشباب م الهم
شابوه
والزمان فارد
شنابوه
والفقير عايز
منابه
والخسيس غارز
بنابه
بص ياعم انا قلمى
رصاص
من غير بندق ولا
قناص
أصل انا صادق مش
هجاص
كفاينا رقص
وحنجله
وبلاش ياناس
تطبيل
دي عيشتنا بقيت
بالبله
وبقينا من
المساطيل
إرسال تعليق