كــيـــبــــ keyboardـــــــــــــورد العمر
شعر . فتحي حمدالله
لمَا يزيد الهم عليا
ويهجم بضراوة
على أمنى
ويقطع من جسمى
الهفتان
مش باستسلم
بآجى على كل مجلد
حزن ف عمرى
واظلل وادوس
على زرين
من كيـــ keyboard ـــبــــورد العمر
Delete , Shiftt
وأحس بإنى فرحت
وألاقى الدنيا بتضحك
أضحك
وأشرق فى الضحكة
لما أتفاجىء
بالأحزان جوايا
Restore
أول تنميلة
ف نخاشيش القلب
لحظة ما اتهرست
أحاسيسى ما بين شفايفها
وسالت على تربة
أحزانى
كل ما اظلل وادوس
على Cut
آجى فى الحتت الفاضية
من قلبى المليان أحزان
وأضغط على Pastee
أتفاجيء بالقلب الدايب
Restart
كل نوافذ عمرى
مفتوحة على صحرا
لما بحاول ازرع شجرة
تضلل على رملة صبرى
ما الاقيش ولا شجرة
تطاوعنى
كام نسخة من أحلامى ضربت
كل ما انزل نسخة
ألاقى Virus
إحباطى يضربها
ما استسلمش
وأنزل نسخة
جديدة
إرسال تعليق