دنيا غرورة
دنيا غـــروره بتلعب بيـــك
تــــاخد اكتر مــا بتديـــــــك
يـــوم بتلاقى حبـايبك فيهــا
بكره بتــاخد اغلى ماليـــــك
*******
بتجمعنـــا بشـــوق وحنيــن
وتفـــرقنــا ف غمضة عين
ناس بتبيع النـــاس وبتنسى
وناس للعشره اكيد صاينين
*******
واللى بيكدب واللى بيسرق
يامــا ف الدنيا كتير خاينين
ولما تقوله ده عيب وحـرام
يعمل صـاحب شرع ودين
*******
انت بحـالك ليه مش راضى
تنـــزل تطلع تعمل قــــاضى
مش راح تـــاخد الا نصيبك
كله كـلام وتعب ع الفاضى
*******
ربك ديمــــا رب قلـــــــوب
شــــــايف الغالب والمغلـوب
تعمل نفسك راجـــل نـاصح
مش هتنــول غير المكتـوب
******
احنــــا ف قطر وســاير بينا
يــــــاما بـــلاد بتمر علينــــا
ومهما يطول مشوار السكــه
لمحطتنــا اهــــو مودينـــــــا
******
مهمـــا نلف ومهما نطــــوف
احنــا وانت عليها ضيـــــوف
ومهمــــا تعدى علينـــــا سنين
نهايتنــــــا للموت هنشـــــوف
شعر / محمود عوض الله
إرسال تعليق