جوة حضنها
قربت منها وشوق عينيها
مالى قلبى بسحرها
وجنب منها تجوز صلاتى
والوضوء من عطرها
وكل حركة معايا فيها
تشد قلبى لقُدسها
دا كل كلمة منها آية
بتشفى روحى بهمسها
الطلة منها تخف عنى
هموم سنين كانت وجع
غمزة عينيها تقول كلام
تشّرع ف زمانّا البدع
وقِعت منها وبين ايديها
بتسطِل وأنا الجدع
وأما أفوق على حضنى ليها
أنسى تانى إسمها
دا بس لمعة ف شعرها
هزة كيان قلبى اللى مات
صحت الروح جوة منى
خدت نَفَسى من سكات
عشت لحظة حب دايبة
جوة جنة وسط نار الذكريات
واتحمقنا وانشغلنا بالعياط
ونَفْسى لسة
ناسيها جوة حضنها
فيها جمال
والله عندى ما يتوصف
فاق الاحتمال
خلى القمر منه إتخسف
نظرة وصال
والقلب دايم يرتجف
كل النجوم
نايمة تحلم بوصفها
بقلم "محمد الخضرى "
إرسال تعليق