حط الرصاصه
ف قلبي اللي ف الاقصى
وفى العين اللى باكيه ع الحق
وف الامه اللى عامله المناقصه
وف كل عيل
شال الوطن جواه
وف كل نبي
شاف الدم قال آه
وف كل قمه
مش لاقيه الشعوب تحت المنصه
ف الشراع وف القارب
وف الطينه وف القالب
والارض اللى حاسه الامان
بطلقه خاصه
فى الايد اللى سلاحها الحجر
والسما اللى وحشها القمر
والميه والنخيل والشجر
والقدس اللى ع العرب باصه
وربي حماس تبيع دينها
وخان يونس وفلسطينها
وعربها وترابها وطينها
والاخوانى والصهيونى
واللى قطعها واللى خلصها
واللى باع قضيتها
واللى تاجر بمحنتها
واللى فك شفرتها
وبكلمتين لخصها
فتح وحماس
هنيه وابو مازن محمود عباس
قطع قضيه ع الكياس
هتلاقى حبالها ناقصه
وحط الرصاصه
ف قلب اللى قلبه ع الاقصي
وهات من جوه القضيه
كلام عل هامش كل قصه
سلامى علي كل اللى ماتو
واللى لسه بيقروا فى الحصه ... ...
......... .. ..........
(الشاعر مظهر علام)
... ....... ..... .......
إرسال تعليق