كاميرات العالم بتصور / بقلم الشاعر عبدالله عتمان

كاميرات العالم بتصور
وبترصد احداث التدمير
ومناره امنك بتنور
وبيحجب نورها التفجير
علي ايه امنك كده متزعزع
جري ايه يا ام النور ملعلع
مين قلك اغفلي عن زرعك
وايه ذنب خضارك لمرعرع
مين قالك تغفلي عن ولدك
ويحدو عليه السكاكين
مش عارفه ولادك يطلعوا مين
اولادك دول المساكين.
اغلبهم راح اف غمضه عين
والعين الغادره مابتفرق
ولا تعرف بيت مصلين
ولاتعرف ايه معني الاخوه
بين الاسلام والمسحيين
اذن باذانك يا محمد
رن باجراسك يا يوحنا
قولو لكل الدنيا بحالها
مصر هتفضل دايما جنه
ومش هنسيب حقك ياكيرلس
ولاهنسيب دمك ياميلاد
بس ياريت البلد تحرص
وتاخد بالها من الاوغاد
بس ياريت البلد تفوق
وترفع ايدها لربنا فوق
وتدعي بقلب سليم لله
وتاخد بالها من الاسباب
وتعرف تحصد كل جزور
راح تنبت منها الارهاب
ولحد كده وكفايه عذاب
بلاش نعيش في امان كداب
خلي بالك من عيالك
واوعي لتغفلي ثانيه عليهم
وتسيبي فرصه لاي كلاب
ينهشوا لحم ولاد نهش
ونرجع تاني نعيش ف عذاب
تحيا مصر تحيا مصر
 يلا نقول لا للارهاب

بقلم الشاعر عبدالله عتمان