شخصية ضعيفة
وكنت أما أقولِك دى لعبة علينا
كنتِ تقولى لى قدَرنا ونصيبنا !
أقول لك يا بنتى دى هجمة كبيرة
وبيسعى فيها عدونا وحبيبنا !
يا بنتى بنسمع علينا كلام
لا هوّ ف حقيقة ولا ف منام
بيتقال علىّ بيسمع كلام
ينفِذ أوامر ويتساق كمان
عديم المروة مالهوش أمان
حبيبك يا بنتى ما يقدر يصونك
حبيبك دة تافه وفيه عصبية
طريقته معانا كانت مخيفة
وشيفنها نوع من الهمجية
وممكن يكون شخصية ضعيفة
ولا عمره مرة هياخد بشورك
وبس انتِ واقفة وحاضنة ف دموعك
ولا دمعة فيهم تقرب حدود
ولا حتى قدرت تصون اللى بينا
و لابسة معاهم توب البرود
ولا كلمة طلعت تهدى النفوس
ولا قادرة تقفى تصدى بكلامك
ولا حتى غضبة تهز الكيان
كسبنا احنا اية من دمعة عيونك
غير أنها علت ما بينا السدود
وكانت رياحهم شديدة علينا
وأصبحنا مرصد لكل العيون
وإحساس رهيب بظلم وظنون
وشك ف حبيبَك يمكن يبيع
وألم بياكل دماغى تملى
بيبقى ملازمنى ويرجع يضيع
ورياح بتنسف ضحكة عينيها
عيشة تلخبط كأنك ف موسم
شتا ف ربيع
كون انى عاجز إنى أدافع
عن حب عمرى
دا احساس فظيع
تتوه الليالى وتضيع معاها
حياتنا وآهاتنا ف سبيل الرجوع
ودمعة ف قلبى عامله له أنة
وحابسة معانى بتحلم تشوفها
طفلة جميلة ف يوم السبوع
وجزعة ف قلبى ولزعة ف حلقى
والنفس صادة حتى بضحكة
ولو كات صنيعة
أوحتى طالعة مابين الضلوع
عايش تملى بكبتة ف قلبى
وحزن ملازمنى
حتى ف شِعرى أغلى جوايزى
ف قصيدة دموع
وبشوفها هايمة قايمة ونايمة
تحلم معايا بيوم الرجوع
وهاين علىّ أنزعها منهم
ولا أشوف عذابها ومغصة عينيها
وتهمس لقلبى
تقولى وحشنى تعالى واخدنى
دموعى خلاص مش قادرة عليها
بقلم "محمد الخضرى "
وكنت أما أقولِك دى لعبة علينا
كنتِ تقولى لى قدَرنا ونصيبنا !
أقول لك يا بنتى دى هجمة كبيرة
وبيسعى فيها عدونا وحبيبنا !
يا بنتى بنسمع علينا كلام
لا هوّ ف حقيقة ولا ف منام
بيتقال علىّ بيسمع كلام
ينفِذ أوامر ويتساق كمان
عديم المروة مالهوش أمان
حبيبك يا بنتى ما يقدر يصونك
حبيبك دة تافه وفيه عصبية
طريقته معانا كانت مخيفة
وشيفنها نوع من الهمجية
وممكن يكون شخصية ضعيفة
ولا عمره مرة هياخد بشورك
وبس انتِ واقفة وحاضنة ف دموعك
ولا دمعة فيهم تقرب حدود
ولا حتى قدرت تصون اللى بينا
و لابسة معاهم توب البرود
ولا كلمة طلعت تهدى النفوس
ولا قادرة تقفى تصدى بكلامك
ولا حتى غضبة تهز الكيان
كسبنا احنا اية من دمعة عيونك
غير أنها علت ما بينا السدود
وكانت رياحهم شديدة علينا
وأصبحنا مرصد لكل العيون
وإحساس رهيب بظلم وظنون
وشك ف حبيبَك يمكن يبيع
وألم بياكل دماغى تملى
بيبقى ملازمنى ويرجع يضيع
ورياح بتنسف ضحكة عينيها
عيشة تلخبط كأنك ف موسم
شتا ف ربيع
كون انى عاجز إنى أدافع
عن حب عمرى
دا احساس فظيع
تتوه الليالى وتضيع معاها
حياتنا وآهاتنا ف سبيل الرجوع
ودمعة ف قلبى عامله له أنة
وحابسة معانى بتحلم تشوفها
طفلة جميلة ف يوم السبوع
وجزعة ف قلبى ولزعة ف حلقى
والنفس صادة حتى بضحكة
ولو كات صنيعة
أوحتى طالعة مابين الضلوع
عايش تملى بكبتة ف قلبى
وحزن ملازمنى
حتى ف شِعرى أغلى جوايزى
ف قصيدة دموع
وبشوفها هايمة قايمة ونايمة
تحلم معايا بيوم الرجوع
وهاين علىّ أنزعها منهم
ولا أشوف عذابها ومغصة عينيها
وتهمس لقلبى
تقولى وحشنى تعالى واخدنى
دموعى خلاص مش قادرة عليها
بقلم "محمد الخضرى "
إرسال تعليق