بقلم مصطفى علي مراد عمار
آه يازمن
'''''''''''''''''''''''''''''''''
آه يازمن بالطول والعرض
عشت أنا فيه
الشر ملى فيك كل الأرض
والخير طفش منها
معرفشي أنا ليه
كتير قوي عايز ينهب ويطير
حلال أوحرام متفرقش ليه
المهم عنده يتملي كرشه
ويقولولوا كمان يا سعت البيه
تقوله يمين ..تقوله شمال
ولا حاجة تدخل دماغه محال
ولو حكمت يبيع أبوه بالمال
المهم جيبه يكون على طول عمران
وياكل وينام ويبرطع كمان
في كل مكان
واياك من الجوع بعده يموت غيره
وتروح كل الدنيا بناسها
بس يفضل هو عايش مع طيفه
ياه يا زمن عشت أنا فيه
الناس سعرت قوي قوي
كدا ليه
ونسيوا كتير بعضيهم
زي ما يكون أتلعب في دماغهم
أويكون الزهيمر بدري جالهم
وبقيت الناس على دا الحال
الكل فيها متخاصمين
يا مقاطعين بعضيهم
و لا فارق معاهم رخيص أو غال
ولا حتى قريب
أو غريب أو جار جنبيهم
حتى الأخ لما أغتنى وصار فيها عال
خلاه المال
ينسى أخوه في الحال
وإن جم يعتبوه أو يعرفوه
أو يفهموه أو من غفلته يصحوه
يقولهم بكل فخر يا جماعة
الضفر من اللحم ميطلعش
أبدا أبدا يا هووووا
وأي نعم دا شقيقي وانا أخوه
وكان بيني وبينه أبوه
بس لما مات
وفي التراب دفنوه
كان لازم بذكائه وقتها يعرف
إني خلاص معتش أخوه
وقولوله كفاية كلام وبطل زن وذم
وأولادى كمان معدوووش يعرفوه
أشترتلهم بفلوسي الخال والعم.
إرسال تعليق