كل عام بغداد بخير كل عام واحنا بخير طيبين ومعيدين يا برتقان احمر وجديد بكرة الوقفة وبعده العيد يا برتقان زاغ ابتسامك قبل ما تتم البلوغ دفنوا البذور الطاهرة فيك قبل الطلوع ويضحكوك ويزغزغوك قبل الوداع ورميت علينا من بعيد غنوة رحيل كل عام وانتم بخير يا برتقان يا ورد نيل زيتون وتين حطين حزين ساكتين سكوت الميتين المجبرة ليه يا ترى كاتمين ف أنفاسنا التمرد متقسمين جوة التردد والحياة..ما تقولشي لا إياك لا تشرد وانت ف سكوتك نجاة هايبجلوك وانت بتردد آمين قلبك خلاص بيعلقوه ف عروة الغرب الأمين تميمة من بلاد الشرق جعران حظهم يا حظنا يا حظهم وجع القلوب ينزل سلام على صدرهم تحيي مجون الجاهلية ف غلهم واليوم ده عيد.. ولما جانا ماكانشي مستني الخوانا تاووا جمال الفجر فيه قبل ماتشوفوا العينين قبل ما يلمس ايدين الصبح ويصليه معانا ويقطعوك ويوزعوك يا برتقان يا برتقان احمر حمار الانهيار كل عام وانتم بخير كل عام وانتو انتو زي مانتو متمثلين وممثلين ماتيلا نعمل فرحانين... مرجيحة طايرة ف الهوا شايلة الأماني الطيبة متلونة بلون البعاد شاربة لونا ف دمها فوق السحاب بالونة كانت فرحتي شايلة معاها عزتي والكون ضباب طيارة واقفة ف الميدان وبصوت تنادي هدايا م النوع التقيل ما تكونشي خايف يا جميل واسعد فؤادي فرق تفرق وببلاش مين فيكو رايح للي عاش علق الأفراح ف بوابة فراقي بدل الأفراح ببومب كتير وهات منه لولادي وادي السعادة رايحة تلعب بالعيال جاية تفجر من جديد غنوة للعام الجديد يا برتقان احمر وجديد بكرة الوقفة وبعده لمين من حق كل الرافضين يوم يرحلوا من حق كل الحزنانين يوم يفرحوا يووووم ف السنة فصص فصوص البرتقان كل بالهنا واعصر يا حاكم ف المحاكم وزع كاساتك ع العباد أعصر ف أرواح العناد واحنا ف الأيام معاك ف كل عام مستنيين متبعترين متبغددين بغداد حزين عاملين سعادة وفرحانين العيد مصمم يعتذر بردو السنة دي والفرح متأجل ميعاده يصدر قرار العفو ف أعياد ميلاده نصبح ف احبال الأماني الطيبة وف عام جديد متعلقين متمرجحين مرجيحة طايرة حتى حين رايحين جايين رايحين رايحين رايحين
إرسال تعليق