نظر ل ظروفه ف سابها / شعبان مكي

نظر ل ظروفه ف سابها
..............
مع إنه كان حبيبها
نظراً لظروفه سابها
كان نفسه تكون نصيبه
راحت ل صاحب نصيبها
و راحت معاها ياما
فرحة و مليون إبتسامة
يا خسارة و 100 ندامة
ع خيبة قلبه اللي خبها
ع ماسكة إيد إتفكت
ع دمعة راح تصيبها
مين قال ف الإصل تحلم
الحلم ده إصله ( بير )
كان لازم م بدري تفهم
الحلم . موضوع كبير
إزاي يعني تحب حاجه
عمرك ما هتقدر تجبها
ليه ف عز فرحك بيها
و كل تفكيرك بس فيها
معملتش للدنيا ليه حسابها
مش كل حاجة تحبها هتجيبها
كل حاجة ب تيجي ب نصيبها
علشان كده ل ظروفه سابها
............................... ف 6 / 1 / 2016
من كلمات الشاعر / شعبان مكي شاعر عامية