تايهين
احنا اللى تايهين فى البلد
وللا البلد تاهت
الناس غريبه ف طبعها
ولون الوشوش باهت
حتى الهزار والفرفشه
و الضحكه ياااااه باخت
صابرين وبتزيد الهموم
و قلوبنا م ارتاحت
ماشيين فى ضلَ المسكنه
بنخاف من الحيطه
أللا الودان متسلطنه
على شكل برنيطه
و عيون كتير صابها العمى
متسعبطه عبيطه
و قلوب مبتحسش حجر
عاملا لنا تحويطه
يا نعسه تهت ف سكَتك
وانا أصلى مش أيوب
وان قلت عاشق ضحكتك
بيشيلونى ذنوب
وانا غصب عنَى من الوجع
بيتوبونى واتوب
و يا بخت من بات و انظلم
وانا كل يوم مغلوب
بقلمى \ محمد العربى
إرسال تعليق