أنا اللي منزلش الميدان عشان لاقيت حبة مظاهر كدب ظاهرة علي الوشوش
أنا اللي منزلش الميدان عشان مبعش دم ولدى لشوية ديابة ميرحموش
أنا اللي منزلش الميدان عشان ملامحه إتغيرت وبقى زى ملعب للوحوش
أنا اللي منزلش الميدان برغم إنى رافض من الواقع كتير
رافض يكون صوتى سلعة للغنى قبل الفقير
رافض بلادنا تبقى إضحوكة ومٌسخة
ويشمت فينا كل خاين أو حقير
( أنـــــــــــــــــــا المـــــــــــصـــــــرى )
أنا المصرى
اللي مش إخوان
ولا سلفى
ولا علمانى
ولا شيعى
أنا المصرى
بقولها برغم إنى متكبلة إيدى
أنا المصرى
ودمى بيجري في وريدى
بقولها بصوتى
وكتمانى
بقولها للعيان ظاهرة مع أهتى
وتنهيدى
أنا المصرى
خليفة ربنا فى الأرض
أنا المصرى
علي مر العصور بصبر
وصبري كما الجبال وأكتر
كأنه فرض
أنا المصرى اللي مش إخوان
ولا سلفى ولا علمانى ولا شيعى
أنا المدبوح من الدنيا ومن الأيام
أنا اللي الجميع دونى يقوم وينام
أنا اللي حياتى حلم
وكلها أحلام
إرسال تعليق