..................(( ليه دنيا ؟؟؟ ))......
ليه يا دنيا ..مغلبانا ..وعلي فين يا دنيا.....وخدانا ؟؟
لأيام الهني..ولا أيام الضني..وطول السنه..معذبانا
فين حلاوتك....فين طعامتك .....و لا من شقاوتك
و نار أساوتك ......بس سقيانا .
ليه يا دنيا...مغلبانا......وعلي فين يا دنيا ...وخدانا ؟؟
ليلك طويل......وهمك تقيل.........و القلب منك عليل
وإن فتح للهوا بابه .............وفكر مرة في أحبابه
يلاقي يا دنيا فرحك قليل.........الفرح فيكي يومين.
والحزن فيكي سنين.... ..في فرحك يا دنيا..نسيانا.
.وف حزنك بس فاكرانا ....
ليه يا دنيا...مغلبانا....وعلي فين يا دنيا....... وخدانا ؟؟
اللي هويته ...وإتمنيته. ...وقلبي رق ليه.... ..ما لقيته
ومهما يغيب عن عيني ما نسيته ..ليه يا دنيا...معاندانا
من نظرة عنيه .. بغير عليه .. يوعد ويحلف بحياته .
..معايا هتحلي أوقاته........ ..يبعد ويخلف في معاده.
و الفرحة يا دنيا ..وحشانا .
ليه يا دنيا... مغلبانا....وعلي فين يا دنيا.... .. وخدانا ؟؟
شغلني بنظرته....وملكني بهمسته...وأسرني بضحكته
وحيرني دلاله و رقته...ألمح خياله..القلب تزيد دقاته.
...أجري عليه ما ألاقيه........وأتاريكي يا دنيا بايعانا .
ليه يا دنيا.. مغلبانا....وعلي فين يا دنيا...... وخدانا ؟؟؟
دِ/عمر عبد الجواد
إرسال تعليق